الميساوي : الفلوس تمشي..أما التاريخ حتى حد مينجم يشكك فيه
تحدث حارس النادي الإفريقي مكرم الميساوي في فوروم سبور اليوم الخميس 10 ماي 2018 عن حملة التشكيك التي طالته، مؤكدا أنه فخور بمسيرته في فريقه الأم وأن الألقاب التي تحصل عليها أكبر دليل على النجاحات التي حققها.
وقال في هذا الإطار ' اليوم آنا أكثر لاعب حملت ألقاب مع الفريق حوالي 21 لقب، وراضي على مسيرتي في الإفريقي ونحب نخرج بقدري من جمعيتي.. والناس لكل تحترمني والفلوس تمشي أما التاريخ حتى حد مينجم يشكك فيه..'
وأضاف ' رغم المشاكل طلبت من إدارة الفريق تنقص من قيمة العقد متاعي بـ50 بالمائة، نظرا للظروف الصعبة الي كانت موجودة في الفرع.. ورفضت نخرج عمناول على خاطر كي كنت صغير ودخلت للإفريقي لقيت شكون أطرني ووقف معايا وجا الوقت باش ناقف مع الشبان وقعدت باش نأطرهم.. والإفريقي جيّابة لكن للأسف ما نجمتش نكمل الموسم بحكم الإصابة التي تعرضت لها على مستوى المعصم.
رسالة لجمهور الإفريقي
وفي حديثه عن جماهير النادي الإفريقي، نوه نجم المنتخب بقيمتها وأهميتها في دعمه ودعم الفريق، قائلا ' كان موش جمهور الإفريقي ما نوصلش للمكانة الّي وصلتلها ، وكان موش هوما آنا ما نوصلش ، ثقة بيناتنا عمرها ما تمست ، أقول لهم ، الإفريقي هي مصيري وباش نرجعلها كمسير.. وأنا نحبهم يقعدو يساندو فريق كرة اليد لأن الجمهور هو فخر الفريق..'
